Ymchwil

Trosolwg

Fel rhan o ymrwymiad yr ECB i sicrhau bod pawb sy'n destun camau gorfodi yn cael eu trin yn deg, rydym yn comisiynu ymchwil annibynnol i orfodi.

Bydd yr ymchwil hwn yn rhoi darlun cliriach i ni o arferion gorfodi cyfredol a phrofiadau unigolion ac asiantau yn ystod y broses orfodi.

Mae'r dudalen hon yn egluro pam yr ydym yn gwneud hyn; sut y byddwn yn ei wneud; yr amserlen ar gyfer y gwaith hwn; a phethau pwysig eraill i chi eu gwybod.

Cefndir

Mae diffyg tystiolaeth annibynnol a gwrthrychol ynghylch profiadau’r rhai sy’n wynebu camau gorfodi yng Nghymru a Lloegr.

Er mwyn sicrhau y gallwn fod yn dargedig, yn effeithiol ac yn gymesur yn ein trosolwg, mae arnom angen sylfaen dystiolaeth gadarn i lywio ein gwaith. I ddechrau, rydym yn ceisio sefydlu llinell sylfaen ddibynadwy i roi gwir ymdeimlad o ba mor aml y mae materion yn codi a, phan fyddant, o'r hyn sy'n digwydd.

Rydym wedi partneru gyda M.E.L Research, asiantaeth ymchwil gymdeithasol arobryn i’n cefnogi yn y gwaith hwn

Amlinelliad o'r Prosiect

Bydd ymchwilwyr o MEL yn ymweld â detholiad o gwmnïau gorfodi, o bob maint, ac yn dewis ac yn gwylio samplau ar hap o fideos camera corff (BWV) a gymerwyd yn ystod ymweliadau gorfodi. Bydd y samplau o 750-1000 o fideos yn cael eu hasesu gan yr ymchwilwyr yn erbyn meini prawf yr ydym wedi’u datblygu mewn cydweithrediad ag arbenigwyr cyngor ar ddyledion a’r diwydiant gorfodi.

Bydd hyn yn cynnwys meysydd y credwn y gallent fod yn risg uwch, megis ymatebion i fregusrwydd, camliwio pwerau asiantau ac ymddygiad bygythiol gan a thuag at yr asiant gorfodi.

Llinellau amser

Bydd gwaith maes ar gyfer yr ymchwil yn dechrau o’r Gwanwyn, a gobeithiwn gyhoeddi’r adroddiad llawn yn ystod Haf 2024.

Bydd y gwaith hefyd yn helpu i lywio datblygiad ein polisïau yn y dyfodol megis ein safonau

Byddwn yn cyhoeddi ein methodoleg lawn ochr yn ochr â'r adroddiad a fydd yn nodi'n glir y meini prawf yr aseswyd y ffilm yn eu herbyn.

Pethau i'w gwybod

Mae'n hanfodol bod yr ECB yn diogelu hawliau unigolion sy'n profi camau gorfodi trwy gydol yr ymchwil hwn.

Rydym wedi ymgysylltu â chyfreithwyr ac arbenigwyr eraill yn y sector i sicrhau bod y prosiect yn cydymffurfio’n llawn â diogelu data a’r Rheoliad Cyffredinol ar Ddiogelu Data (GDPR).

 Rydym hefyd yn rhoi nifer o fesurau lliniaru ar waith i sicrhau bod yr holl ddata personol yn cael ei ddiogelu.

Ni fydd ein hadroddiad terfynol yn cynnwys unrhyw ddata sy'n nodi pobl unigol a bydd yn gwbl ddienw drwyddo draw.

Gallwch ddarllen ein polisi preifatrwydd yma am ragor o wybodaeth, gan gynnwys ar ba sail gyfreithlon y byddwn yn prosesu data ar gyfer y prosiect.

Os oes gennych unrhyw gwestiynau, anfonwch e-bost atom yn research@enforcementconductboard.org